وراحت الأيام..
والحب بيناتنا خلص
وكلمات جمعتنا بِنَصْ
قصيدة عجدلة شعرها بتنام
وراحت الأيام
كان الوقت يخطفنا سوى
ويغطي ليلنا السهران
كان الحب بيناتنا دوا
وكان البعد خجلان
القصيدة ع بحة صوتها بتنام
وراحت الأيام
شو باقي منك يا عمر؟
-ذكرى بطعمة القهوة
بتصحى بكل طلعة فجر
و الحب الو مروي
ياريت ما شبك القدر
دياتها بإيدييّ
القصيدة ع رمش عينها بتنام
وراحت الأيام
مسكين يا درب الهوى موجوع
قلبي عل الهجر رايح
نبض القلب بالصدر مسموع
والشوق بحروفي سايح
ضيعان وجك يا بدر ممنوع
تطلع ما بدو يسامح
القصيدة ع حمر خدها بتنام
وراحت الأيام
كان الوعد نبقى سوا
يا حب لا تعتب
عقلوب جمعها الهوى
يا حب عم نكذب
خنا الوعد خنا الهوى
خنا القصيدة ال عجدلة شعرها بتنام
وراحت الأيام
#أيهم_خيو
#Ahm_Khayo
ليست هناك تعليقات:
إرسال تعليق