#منهل
#نجد
#سلامه
#كنان
#حكمت
بتشبهو حدود خمسة.. الحواس الخمسة.. وأصابع ايد عاجزة تلمكن
ياريت الحكي رصاص.. ياريت البكى رصاص
خزقوا السما رفقاتكن ليسمعوا الله..
خبوا اللحم الي تخزق تحت التراب.. بلكي جراح الخمسة تطيب
وبزلغطوا.. بعدو الحزن قهار
لو كان الحزن نافع.. ﻻغرف من ليل العيون يلي تسكرت حزن العمر كلو
مغرور ياموت...
مين الي قلك انو الي فاتت ترقص بحزنا وتنده #سلامي.. ما كسرت ظهري
مغرور ياموت..
لو كنت شايف ضحكة الي ماعبس وجهوا.. اسمو على رسمو ياميه العطشان.. يا ابن كل الناس يا #منهل
مغرور ياموت..
لو كنت حدي لحظة الي صرخت اختو.. خيو.. خالو
وطلعت حافي..شو صار؟
#حكمت استشهد..
ليش ومع مين.. هلق نجي من الخطف!؟
مغرور ياموت..
بين عيون هالحلو تزرع رصاصك.. بعدو غبارك يا حلب ع جريه.. ومارجع بعدو #كنان
مغرور ياموت.. بتشبه حزن عشرين جيل.. تشتي عليهم كم دني مي وثلج ويبقى الحزن صافي
مغرور.. لما تسمعا تنده #نجد وإيدك سكرت خمس الحواس
واليتم طافي.. والحزن غيمة كبيرة.. ونزرع ونحصد وجع..
وماقلت كافي
بقلم: #yamama_khayou يمامة خيو
ليست هناك تعليقات:
إرسال تعليق