الشام

قالت: ..
لك بتتذكر هاك السنة...
شو لبست الأبيض نور فاير من حلا عيونك...
شمس تشرين عالصدر حنّة من بين كفوفك..
ميلات خصري طرب ع نغمة حروفك..
هاااك السنة..

لك بس قلي شو صاير معك..
قلبك ترك...
ماعاد ذكرى ترجعك..

هاااك السنة..
كنّا وطن..
كنّا حضن كنّا كفن..
كان الفرح يترك ورد ع مدخل بيوتنا..
كان الصبح يفيق ع ريحة القهوي..
كان المسا يضوي ليالي شموعنا..
كان العشق بيناتنا بعد إلو مروّي..

يمكنّو..
يمكنّو قلبك عشق..
متل ما قلبي بكي..
مااا عاد ينفع حكي..
بس اتذكر اسمي د°مشق..
وبنادولي الشاااام ...
#AHM_Khayo
23/10/2016
أيهم خيو

كي يجف..كي لا يجف

#كانت تنشُر حُزنها على حِبالهُ الصوتية كي يجِفْ..

#كان ‏ينشُر ابتسامته لها على شفاهها كي لا تجِفْ...
#Ahm_Khayo

خطيئة

للخطيئة طعمٌ عذب..
لا إسم له
لكنه يشبه قبلتك الأولى
#Ahm